"Blue Origin" ilk dəfə əlil arabası istifadəçisini kosmosa göndərəcək

Amerikanın "Blue Origin" şirkəti ilk dəfə suborbital uçuşun heyətinə əlil arabası istifadəçisini daxil edib. Bu barədə şirkətin veb saytında məlumat verilib.

"New Shepard" raketinin 20 dekabrda Texasdakı buraxılış məntəqəsindən buraxılması planlaşdırılır. Daha beş heyət üzvü 2018-ci ildə onurğa beyni zədəsi alan Avropa Kosmik Agentliyinin mühəndisi Michaela Benthouse ilə birlikdə uçacaq.

Uçuş zamanı heyət kapsulu 100 km hündürlükdə kosmosun sərhədi olan Karman xəttini keçəcək və paraşüt sistemindən istifadə edərək Yerə qayıdacaq.

Sahibkar Jeff Bezos tərəfindən qurulan "Blue Origin", biletlərinin qiyməti 600.000 dollar olan Virgin Galactic ilə kosmik turizm bazarında rəqabət aparır. "New Shepard" kosmik gəmisində təxminən 80 nəfər uçub.

Noyabr ayında "Blue Origin" şirkəti New Glenn raketini uçuşdan bir saat əvvəl qəfil dayandırdıqdan sonra buraxdı. Raket əvvəlcə yerli vaxtla saat 14:57-də (Moskva vaxtı ilə saat 22:57) buraxılmalı idi, lakin Florida ştatının Kanaveral burnundan buraxılış son saniyələrdə dayandırıldı. Bu, cəmi bir saat sonra, saat 16:55-də (Bakı vaxtı ilə saat 00:55) baş verdi.

Əziz MUSTAFA