Ər-Riyad hava limanına edilən hücumda iki Özbəkistan vətəndaşı yüngül xəsarət alıb

10 oktyabrda Səudiyyə Ərəbistanının Ər-Riyad şəhərindəki Kral Xalid Beynəlxalq Hava Limanının 3-cü terminalına edilən ballistik raket hücumu nəticəsində iki Özbəkistan vətəndaşı yüngül xəsarət alıb. Oxuməni.az xəbər verir ki, bu barədə Özbəkistan Xarici İşlər Nazirliyinin mətbuat katibi Omonulla Fayziyev bildirib.

1977 və 1997-ci il təvəllüdlü vətəndaşlara ilk tibbi yardım göstərilib və sonra Diriyah Xəstəxanasına aparılıb. Tibbi müayinə və zəruri prosedurlardan sonra hər iki xəstə xəstəxanadan buraxılıb.

Xarici İşlər Nazirliyinin sözçüsü bildirib ki, ilkin məlumatlara görə, hadisə zamanı hava limanında olan təxminən 20 Özbəkistan vətəndaşı xəsarət almayıb.

"Ər-Riyaddakı Özbəkistan səfirliyi, Səudiyyə Ərəbistanının müvafiq orqanları ilə birlikdə vəziyyəti izləməyə davam edir, vətəndaşlarımızla daim əlaqə saxlayır və onlara lazımi konsulluq yardımı göstərir", - deyə Omonulla Fayziyev bildirib.

Yaralıların qohum olub-olmadığı ilə bağlı suala cavab olaraq, o, hazırda bunun məlum olmadığını bildirib.

Şənbə günü Yəmənli husilərin hava limanına endirdiyi zərbə nəticəsində ən azı 12 nəfər həlak olub, təxminən 310 nəfər yaralanıb, o cümlədən ağır vəziyyətdədir. Ölənlər arasında dörd Səudiyyə Ərəbistanı vətəndaşı və bir ABŞ vətəndaşı da var. Misir, İordaniya, Suriya, Fələstin və Sudan vətəndaşları da həlak olub. Özbəkistan Xarici İşlər Nazirliyi mülki şəxslərə və mülki infrastruktura edilən hücumları pisləyib.

Əziz Mustafa