Şəhidimizin ruhuna hörmətsizlik - LERİKDƏ - FOTO

Lerikdə Qarabağ şəhidinin məzarına qarşı laqeydlik nümayiş etdirilir. Rayon rəhbərliyi və icra başçısı Rövşən Ağayev vətən uğrunda döyüşlərdə canından keçmiş Lətif Ağayevin məzarının düzəldilməsi üçün edilən müraciətlərə cavab vermir.

Bu barədə oxucumuz Bilal Ağayev yazıb. Onun sözlərinə görə, şəhid Lətifin məzarı Lerikin Zuvuç kəndində yerləşir:

"O, 1993-cü ildə Qarabağda şəhid olub. Ailəsi çox kasıbdır. Gücü şəkildə gördüyünüz məzar daşını düzəltməyə çatıb. 23 ildir ki müraciət etmədiyim yer qalmayıb.

Təəssüf ki, vətən üçün qanından, canından keçmiş oğula təzə məzar daşı düzəldilməsi üçün heç bir dəstək olmayıb. Lətifə qarşı bu laqeydlikdən ailəsi çox narazıdır. Onun məzarının itməməsi, daha adına layiq qəbir daşı qoyulması lazımdır.

Gələcək nəsillər də bilməlidir ki Lerikdə Lətif kimi oğul olub, vətən uğrunda döyüşlərdə şəhidlik zirvəsinə qalxıb. Amma heç bir reaksiya yoxdur. Cənab prezidentdən xahiş edirəm ki, bu məsələ barədə müvafiq tapşırıq versin". (politika)

Mediainfo.az