İtaliya millisinin 37 oyunluq məğlubiyyətsizlik seriyası qırılıb

İtaliya millisinin 37 oyunluq məğlubiyyətsizlik seriyası qırılıb

7 Oktyabr 2021 07:01
Bəyəndim (0) Bəyənmədim (0)

Futbol üzrə İtaliya millisinin ardıcıl 37 oyunluq məğlubiyyətsizlik seriyası qırılıb.

Oxuməni.az-ın məlumatına görə, bu, yığmanın İspaniyaya qarşı UEFA Millətlər Liqasının final mərhələsinin yarımfinal matçında baş verib.

Milanda "San-Siro" stadionunda keçirilən görüş ispanların qələbəsi ilə başa çatıb - 2:1. Luis Enrikenin komandası finala yüksəlib. İtaliyanın isə 37 oyunluq məğlubiyyətsizlik seriyasına son qoyulub.

Qeyd edək ki, digər yarımfinal qarşılaşmasında bu gün Belçika və Fransa yığmaları üz-üzə gələcək.

İtaliya - İspaniya - 1:2

Qollar: Pelleqrini, 83 - Torres, 17, 45+2

Qırmızı vərəqə: Leonardo Bonucci (İtaliya)

Milan, "San-Siro" stadionu