Çempionlar Liqası: “Liverpul” ilə “Ayaks” pley-offda, “Beşiktaş” darmadağın oldu

UEFA Çempionlar Liqasının qrup mərhələsində IV tura yekun vurulub.

Oxuməni.az xəbər verir ki, turun son 6 oyunundan sonra 1/8 finala daha iki vəsiqənin sahibi bəlli olub.

B qrupunda "Liverpul" evdə İspaniyanın "Atletiko" klubunu məğlub edib və sona 2 tur qalmış pley-offa adlayıb.

C qrupunda isə Niderland "Ayaks"ı Almaniyada "Borussiya" (Dortmund) komandası üzərində əzmkar qələbə sayəsində vaxtından əvvəl növbəti mərhələyə yüksəlib. Qrupun digər matçında "Beşiktaş" Portuqaliyada "Sportinq"ə böyük hesabla məğlub olub - 0:4.

Bununla da İstanbul təmsilçisi qrupda qalıb.

A qrupu

"Mançester Siti" (İngiltərə) - "Brügge" (Belçika) - 4:1

Qollar: Fil Foden, 15, Riyad Mahrez, 54, Rahim Sterlinq, 72, Qabriel Jezus, 90+2 - Con Stounz, 17 (avtoqol)

"Leyptsiq" (Almaniya) - PSJ (Fransa) - 2:2

Qollar: Kristofer Nkunku, 8, Dominik Soboslai, 90+2 (pen.) - Corcinyo Veynaldum, 21; 39

B qrupu

"Milan" (İtaliya) - "Portu" (Portuqaliya) - 1:1

Qollar: Şansel Mbemba, 61 (avtoqol) - Luis Dias, 39

"Liverpul" (İngiltərə) - "Atletiko" (Madrid, İspaniya) - 2:0

Qollar: Diequ Jota, 13, Sadio Mane, 21

Qırmızı vərəqə: Felipe, 36 ("Atletiko")

C qrupu

"Sportinq" (Portuqaliya) - "Beşiktaş" (Türkiyə) - 4:0

Qollar: Pote, 31 (pen.); 38, Paulinyo, 41, Pablo Sarabiya, 56

Qırmızı vərəqə: Jozef De Souza, 90 ("Beşiktaş")

"Borussiya" (Dortmund, Almaniya) - "Ayaks" (Niderland) - 1:3

Qollar: Marko Roys, 37 (pen.) - Duşan Tadiç, 72, Sebastyan Alle, 83, Davi Klassen, 90+3

Qırmızı vərəqə: Matts Hummels, 29 ("Borussiya")

D qrupu

"Real Madrid" (İspaniya) - "Şaxtyor" (Donetsk, Ukrayna) - 2:1

Qollar: Kərim Benzema, 14; 61 - Fernando, 39

"Şerif" (Moldova) - "İnter" (İtaliya) - 1:3

Qollar: Adama Traore, 90+2 - Martselo Brozoviç, 54, Milan Şkrinyar, 66