Bakı Şəhər Halqası Əməliyyat Şirkəti media nümayəndələri üçün seminar keçirib

18 Aprel 2023 14:21

Bəyəndim (0) Bəyənmədim (0)

Bu gün “Hilton” mehmanxanasında 2023 Formula 1 Azərbaycan Qran Prisi çərçivəsində media nümayəndələri üçün seminar keçirilib. Oxumeni.az xəbər verir ki, seminarın keçirilməsində əsas məqsəd 2023 Formula 1 Azərbaycan Qran Prisinin yüksək səviyyədə işıqlandırılması və adıçəkilən yarışda medianin işi ilə bağlı zəruri məlumatların daha dəqiq və operativ yayılmasıdır.
Seminarı giriş sözü ilə açan Bakı Şəhər Halqası Əməliyyat Şirkətinin mətbuatla əlaqələr şöbəsinin rəhbəri Turab Teymurov 2023 Formula 1 Azərbaycan Qran Prisində iştirak edəcək komandaların adlarını açıqlayıb və yarış günləri barədə məlumat verib. Turab Teymurov onu da əlavə edib ki, bu il keçiriləcək yarış ötən illərlə müqayisədə çox maraqlı olacaq.
Sonra yarış zamanı informasiyanın daha operativ yayılması üçün Bakı Şəhər Halqasının Media Mərkəzinin koordinatoru tərəfindən jurnalistlər Media Mərkəzi ilə bağlı geniş şəkildə məlumatlandırılıb.

Emin Axundov, Oqtay Verdiyev