Rusiyalı MMA döyüşçüsü Aleksandr Yemelyanenko İslamı qəbul edib

Rusiyalı MMA döyüşçüsü Aleksandr Yemelyanenko İslamı qəbul edib. Bu barədə Vladimir Mineyev və Roman Kopılovun məşqçisi Rəsul Maqomedəliyev məlumat verib.

Mütəxəssis bildirib ki, 42 yaşlı rusiyalı artıq Mədinəyə səfər edib. “Bütün müsəlmanların 100 faizi oraya gedir. Ona görə də onun islamı qəbul edib-etmədiyi sualı belə yoxdur”, - Maqomedəliyev Sport24-ə müsahibəsində deyib.

O, Aleksandra alkoqoldan qurtulmağa kimin kömək etdiyini də deyib: “İnquş qardaşlarımız onu ayağa qaldırdılar və ümid edirəm ki, o, bir daha bu vəziyyətə qayıtmayacaq”.

AAleksandr Yemelyanenko keçmiş ProFC dünya çempionudur. Döyüş sambosu üzrə dəfələrlə Rusiya və dünya çempionu, döyüş sambosu üzrə Avropa çempionu olub. Aleksandr Yemelyanenko peşəkar MMA-da 40 döyüş keçirib, bu döyüşlərdə 29 qələbə (20-si nokautla), 10 dəfə uduzub və bir döyüşdə heç-heçə edib.

Rusiya mətbuatı yazır ki, 2023-cü ilin yayından 42 yaşlı idmançı İnquşetiyadakı reabilitasiya mərkəzində alkoqol asılılığından müalicə alıb. 2024-cü ilin əvvəlində idmançının Səudiyyə Ərəbistanında müsəlmanların müqəddəs Mədinə şəhərinə səfər etdiyi məlum olub. Sosial şəbəkələrdə onun ərəbcə Abubakar adını seçdiyi video yayılıb.

Oxuməni.az