Həbsdə olan vəkilin şikayəti təmin edilməyib

29 Oktyabr 2014 14:54

Bəyəndim (0) Bəyənmədim (0)

Bu gün Bakı Apellyasiya Məhkəməsində həbsdə olan vəkil İntiqam Əliyevin apellyasiya şikayətinə baxılıb. Bu barədə Apa -ya məlumat verən vəkil Cavad Cavadov bildirib ki, şikayət təmin edilməyib. İ. Əliyev isə səhhətində olan problemlərlə bağlı iclasda iştirak edə bilməyib.

Qeyd edək ki, oktyabrın 24-də Nəsimi Rayon Məhkəməsi İ. Əliyevin barəsində seçilmiş həbs qətimkan tədbirinin müddətinin 3 ay uzadılması barədə qərar qəbul edib. Apellyasiya şikayəti həmin qərardan verilib.

İ. Əliyev Cinayət Məcəlləsinin 213.1-ci (vergidən yayınma), 308.2-ci (vəzifə səlahiyyətlərindən sui-istifadə etmə) və 192.2-ci (qanunsuz sahibkarlıq) maddələri ilə təqsirli bilinir.

Mediainfo.az