
Gəncədə mağaza qarət edilib
Gəncədə mağazadan pul, alkoqol içkiləri və siqaret oğurlanıb. Gəncə şəhər Nizami rayon Polis İdarəsindən verilən məlumata görə, şəhər sakini Razim Cəfərov idarəyə müraciət edərək bildirib ki, şəhərin Yeni Gəncə qəsəbəsində 7 nömrəli binanın birinci mərtəbəsində yerləşən, ona məxsus mağazadan oğurluq edilib. Polis əməkdaşlarının mağazaya keçirdikləri baxış zamanı məlum olub ki, naməlum şəxs və ya şəxslər gecə saatlarında mağazaya daxil olaraq ordan 178 manat məbləğində pul, 15 ədəd araq, 5 ədəd çaxır və müxtəlif markalı siqaret aparılıb. Ərzaq mağazasından oğurluq edən şəxslərin tapılaraq məsuliyyətə cəlb edilmələri üçün Gəncə şəhər Baş Polis İdarəsində cinayət işi açılıb, istintaq gedir.
Digər xəbərlər