Ahıl ər ağbirçək arvadını amansızlıqla öldürdü
Aprelin 21-nə keçən gecə Bakı şəhərinin Nəsimi rayonunda törədilmiş qətl hadisəsi ilə bağlı bəzi məqamlar üzə çıxıb. Məlumata görə, 80 yaşlı həyat yoldaşı Kərimova Nisə İslam qızını çoxsaylı bıçaq zərbələri ilə qətlə yetirmiş 1936-cı il təvəllüdlü Hüseynov Abbasəli Qəmbər oğlu artıq saxlanılıb.
Bildirilir ki, hadisə baş verəkən 28 May küçəsi 66/68, mənzil 73 ünvanında məlum hadisə baş verərkən evdə ahıl cütlükdən başqa kimsə olmayıb. A.Hüseynov yuxuya getmiş həyat yoldaşının üzərinə hücum çəkərək onun bədəninə çoxsaylı bıçaq xəsarətləri yetirib. Daha sonra o bıçaqla qadının boğazını da kəsib.
A.Hüseynov hadisədən sonra ziddiyətli ifadələr verib. Onun həyat yoldaşını hansı səbəbdən qətlə yetirdiyi hələlik məlum deyil.
Faktla bağlı başlanmış cinayət işinin istintaqı davam etdirilir.
Mediainfo.az
