Qvineyada qiyamçılar parlamentin buraxıldığını və sərhədlərin bağlandığını elan edib
Qvineyada hakimiyyəti ələ keçirməyə çalışan ordu bazar günü ölkə konstitusiyasının dayandırıldığını və parlamentin buraxıldığını elan edib.
Oxuməni.az xəbər verir ki, bu barədə Qvineya xəbər portalı Guinee Matin məlumat yayıb.
Məlumata görə, üsyançıların rəhbəri polkovnik Mamadi Dumbuya müvafiq açıqlama verib. O, həmçinin Qvineyanın xarici sərhədlərinin bağlanmasını əmr edib və ordunu kazarmada qalmağa çağırıb. Qvineyada dövlət çevrilişinə cəhd edən xüsusi təyinatlılar ölkə prezident Alfa Kondeni saxlayıblar.
Qeyd edək ki, bu gün Qvineya Respublikasında dövlət çevrilişinə cəhd edilib. Çevriliş cəhdinin arxasında xüsusi təyinatlılar qrupunun nümayəndələri dayanır. Qrupa əvvəllər Fransa xarici legionunda xidmət etmiş polkovnik Mamadi Dumbuya rəhbərlik edir.
