KXDR tərəfindən buraxılan qitələrarası ballistik raket Yapon dənizinə düşüb

Çərşənbə günü KXDR tərəfindən buraxılan qitələrarası ballistik raket (ICBM) normal uçuş yolunda ABŞ ərazisində istənilən nöqtəyə çata bilərdi.

Oxuməni.az xəbər verir ki, bu barədə NHK telekanalı Yaponiya Müdafiə Nazirliyindəki mənbələrə istinadən məlumat yayıb.

Onların fikrincə, raketin təxmini uçuş məsafəsi təxminən 15 min km ola bilər. Eyni zamanda, yüksək bucaq altında buraxıldığı üçün onun uçuş hündürlüyü, agentliyin məlumatına görə, 6 min km idi. Raket təxminən 1000 km məsafə qət edərək Hokkaydo adasından 250 km aralıda Yapon dənizinə düşüb.

ICBM 74 dəqiqə havada olub ki, bu da müddət baxımından KXDR üçün rekorddur. Keçən ilin martında KXDR tərəfindən buraxılan Hwaseong-17 ICBM 71 dəqiqə uçuş etmişdi.

Yaponiya Müdafiə Nazirliyi raketin suya düşməsini qeydə alıb. Balıqçı qayıqlarına raketin qalıqlarını gördükləri zaman onlara yaxınlaşmamaq tövsiyə edilib. Yaponiya Nazirlər Kabinetinin baş katibi Hirokazu Matsuno Tokionun Pxenyana kəskin etiraz etdiyini bildirib.

Əziz Mustafa