"Mən Popun kralıyam"

"Taleh" Cavanşir Babəlioğlunu Caqa olaraq səhnəyə qaytarır

Bir vaxtlar jurnalist olaraq fəaliyyət göstərib, tanınan, bir çox müğənnilərin ifasında bəstələri sevilən, sonradan müğənni kimi gündəmə gəlib, fəaliyyətini durduran Cavanşir Babəlioğlu "Taleh" adlı yeni mahnısı ilə yenidən səhnəyə qayıtmaq fikrindədir. Sözləri və musiqisi özünə məxsus olan mahnını oranjiman üçün Elvin Musayevə həvalə edən jurnalist-müğənni "2 aydır bu mahnı oranjimandadı, Elvinin çox ləng işləməsi planlarımı gecikdirir." Sosial şəbəkələrdə Caqa adı ilə tanınan və səhifəsində özünü Popun kralı kimi qeyd edən ifaçı, bu təqdimatının birmənalı qarşılanmadığını eşitdikdə "Hər kəs dünyaya öz pəncərəsindən baxır, mənə başqalarının fikiri heç vaxt maraqlı olmayıb, olmayacaq da! Mən Yaradanımın bəxş elədiyi ömrü belə yaşamaq istəyirəm və həyatımdan da razıyam, bir sözlə, şükranam! Pop ifa edirəm və Popun Kralıyam! İfamı tənqid edənlər kimi sevənlər və dinləyənlər də var. Bir insanı hər kəs sevə bilməz ki... Bir çoxları üçün Popun Kralı olmaq layihələrlə ölçülsə də, mənim üçün ifa tərzi ilə ölçülür. Olsun ki, bu gün böyük reklama sahib deyiləm, amma göz önündə olmaq üçün də min hoqqadan çıxan əl meymunu, kloun da ola bilmərəm. Sənətimi özümdən, özümü də hər şeydən çox sevirəm. Beynəlxalq səviyyəli layihələr istəyirəm. Dövlətimin təşkil etdiyi beynəlxalq layihələrdə də iştirak etmək arzusundayam. İnşallah planlarımı bu fikrini reallaşdırmağa yönəltmişəm. Allah sağlıq və uzun ömür bəxş eləsin, beynimdə olan layihələri gerçəkləşdirim. Düzdü, bu yöndə bəzi maddi çətinliklər var, amma çalışacağam ki, düzgün yolla öhdəsindən gəlim. İşimə peşəkar yanaşıram deyə qüsurlarımdan da xəbərdaram. Bu qüsurları aradan qaldırmaq üçün bir müddət Bakıda olmaya da bilərəm və ya vətənimdə də aradan qaldırmağa çalışaram ki, işlərimi mükəmməl təqdim edim. Tənqidlərdən nəticə çıxaran insan, qaldı ki, dediyiniz kimi Caqa adına, dostlarımın mənə bu adla müraciət etməsi çox xoşdur. O qədər xoşdur ki, beynəlxalq layihələrimə və nə vaxtsa başqa ölkədə fəaliyyətə məhz bu adla başlayacam."

Mediainfo.az