Əfsanəvi boksçu Məhəmməd Əli vəfat etdi... - YENİLƏNİB

Tənəffüsündə yaranan problem səbəbindən xəstəxanaya yerləşdirilən əfsanəvi boksçu Məhəmməd Əli cümə günü 74 yaşında ABŞ-da vəfat edib.

Bu barədə "NBC News" teleşirkəti məlumat yayıb.

Əli son bir neçə günü yatdığı Finkis şəhəri (Arizona ştatı) xəstəxanalarından birində dünyasını dəyişib.

İdmançının ailə üzvlərindən biri boksçunun ölüm xəbərini Amerika telekanalına təsdiq edib. (report)

08:45

Dünən xəstəxanaya yerləşdirilmiş əfsanəvi amerikalı boksçu, 74 yaşlı Məhəmməd Əli (əsl adı - Kassius Marsellus Kley) ölüm ayağındadır.

Virtualaz.org Britaniyanın "The Daily Mirror" nəşrinə istinadən xəbər verir ki, bunu idmançının qohumları deyiblər.

Hazırda Əli intensiv terapiya şöbəsində müalicə alır, lakin həkimlər boksçunun övladlarını xəbərdar ediblər ki, "son yaxındır". Həkimlər əvvəlcə Məhəmməd Əlinin digər xəstəxanaya nəqlini nəzərdən keçirsələr də, bunun xəstənin həyatı bahasına başa gələcəyini anlayaraq, fikirlərindən dönüblər. Son bir neçə il ərzində Məhəmməd Əli Parkinson xəstəliyindən əziyyət çəkirdi.

Əli boks üzrə mütləq dünya çempionu və 1960-cı ilin Olimpiya Oyunlarının qalibidir.

Mediainfo.az