Məhəmməd Əliyə qalmayan dünya... - Əfsanəvi boksçunun foto-albomu
Xəbər verildiyi kimi, əfsanəvi boksçu Məhəmməd Əli bu gün vəfat edib. Dünya idmanının ən məşhur personalarından və idollarından biri olan Məhəmməd Əlinin vəfatı bütün dünyada yüz milyonlarla insanı kədərləndirib.
Məhəmməd Əli boks tarixçiləri, idman ekspertləri, keçmiş boksçular, indiki boksçular və boks azarkeşləri tərəfindən "Bütün zamanların ən böyük boksçusu" olaraq qəbul edilən ağır çəkidə çıxış etmiş əfsanəvi peşəkar ABŞ boksçusudur.
O, "İnsan hüquqları mühafizəçisi" və ABŞ-da ilk islam təşkilatının liderlərindən biri idi.
Əsl adı Kassius Kley olan boksçu 1942-ci ildə ABŞ-ın Luisvil şəhərində doğulub. 1960-cı ildə Romada keçirilən XVII Yay Olimpiya Oyunlarında orta ağır çəkidə (81 kq) boks yarışlarının qalibi olub.
Məhəmməd Əli TIME jurnalının açıqladığı "Tarixin ən dahi 100 şəxsiyyəti" arasında adı olan yeganə idmançıdır.
O, ABŞ-ın məşhur idman kanalı ESPN tərəfindən idman tarixin ən yaxşı idmançısı seçilib.
O bu siyahıda Maykl Cordan, Lens Armstrong, Tager Vuds, Diego Maradona və Ueyn Qretski kimi əfsanəvi idmançıları geridə qoyub.
Əfsanəvi boksçu 1964-1966, 1974-1978-ci illərdə ağır çəkidə mütləq dünya çempionudur.
O, 1974-1978-ci illərdə WBC, 1967, 1974—1978, 1978-ci illərdə WBA versiyası üzrə dünya çempionu olub.
Məhəmməd Əlinin ən məşhur və az qala əfsanəyə çevrilən deyimlərindən biri də bu osözlər olub: "Əsla mənə yaxşı olduğumu söyləməyin, çünki mən ən yaxşıların da yaxşısıyam".
Ölkəmizdə onun pərəstişkarları çox idi. Məhəmməd Əlini fotolarına baxaraq xatırlayaq. (musavat)
Mediainfo.az
