Yasamal rayonunun sakinləri təbii qazın kəsilməsindən şikayətçidirlər

3 Fevral 2016 17:42

Bəyəndim (0) Bəyənmədim (0)

Yasamal rayonu, Xaqan Dadaşov küçəsində bu gün demək olar ki, qaz gəlməyib. Sakinlərin Mediainfo.az saytına açıqlamasında bildirilir ki, səhər saat 10.00-dan etibarən təbii qaz kəsilib.

"Səbəb də bildirilmir. Heç kimin borcu yoxdur, olsa da həmin ünvanın qazı kəsilməlidir. Soyuqda evlərdə xəstə, uşaq, körpələr var. Yemək-içmək hazırlamaq mümkün olmayıb. Ailə üzvlərimiz ac-susuz qalıb. Buna nə vaxt əncam çəkiləcək?" - deyən küçənin sakinlərinin dərdinə şərik olmağa çalışdıq.

Lazımi orqanlardan əldə etdiyimiz məlumata görə, sözügedən küçəyə təbii qazın verilməməsinin səbəbi təmir işləridir. Bir-iki saatdan sonra təmir başa çatacaq və evlər yenə də təbii qazla təmin olacaq.

Rəfael