Finlandiyalı deputat Kilyunen Rusiya Federasiyası ilə sərhədi açmağa çağırdığı üçün üzr istəyib

29 Noyabr 16:13

Bəyəndim (0) Bəyənmədim (0)

Finlandiya parlamentinin Xarici Əlaqələr Komitəsinin rəhbəri Kimmo Kilyunen ölkənin Sosial Demokrat Partiyasındakı həmkarlarının tənqidindən sonra sərhədin açılmasının zəruriliyi ilə bağlı dediyi sözlərə görə üzr istəyib və onları özəl fikir adlandırıb.

“Mənim ifadə etdiyim fikirlər Sosial Demokrat Partiyasının və Parlamentin Xarici Əlaqələr Komitəsinin xəttini əks etdirmir".

Finlandiya parlamentarisi də bəyanatlarını “tamamilə düşünülməmiş” adlandırıb və onlara görə üzr istəyib. Kilyunen vurğuladı ki, Rusiya Federasiyası ilə sərhədin bağlanması onun ailəsinə də təsir edir, çünki deputatın həyat yoldaşı rus köklüdür.

Bir gün əvvəl Kilyunen Finlandiyada rusdillilərin nümayəndələri ilə görüşüb. O, görüşdə parlamentdə Rusiya ilə sərhədin açılması məsələsini qaldıracağını bildirmişdi.

Oxuməni.az