Danimarka Qrenlandiyanın paytaxtından 300 km şimalda yerləşən aviabazasını genişləndirəcək

Danimarka Silahlı Qüvvələri Qrenlandiyanın paytaxtı Nuukdan 300 km şimalda yerləşən Kangerlussuaqdakı hava bazasını genişləndirməyi planlaşdırır. Bu barədə TV2 telekanalı hərbi komandanlığın müdafiə üzrə davam edən siyasi danışıqların əsasını təşkil edən “Arktika və Şimali Atlantikada müdafiə tapşırıqlarının yerinə yetirilməsinin gücləndirilməsi” adlı məxfi hesabatına istinadən məlumat yayıb.

"Danimarkanın rəsmi siyasəti Arktikanı aşağı gərginlik zonası olaraq saxlamaqla hərbi münaqişələrdən qaçmaq olsa da, hərbi komandanlıq gələcəkdə daha aktiv hücumda iştirak etməyi tövsiyə edir", - TV2 qeyd edir.

Məlumata görə, aviabazanın digər şeylərlə yanaşı, “düşmən güclərə qarşı çəkindirmə və güc proyeksiyası funksiyalarını yerinə yetirəcək” “əməliyyatlı hərbi bazaya” çevrilməsi planlaşdırılır. “Baza, xüsusən də hücumları dəf etmək və suverenliyi təsdiq etmək üçün vaxtaşırı hazırlıqlarla əlaqədar Danimarka qırıcılarının (F-35) Kangerlussuaqda mövcudluğu və enişinin öhdəsindən gələ bilməlidir”, - telekanal 22 səhifəlik sənəddən sitat gətirir.

Oxuməni.az