ABŞ Suriyadan qoşunlarını qismən çıxarmağa başlayıb

ABŞ Suriyadakı hərbi kontingentinin sayını azaltmağa başlayıb. Oxuməni.az xəbər verir ki, bu barədə “The New York Times” yazır.
“Hərbçilər ölkənin şimal-şərqindəki səkkiz əməliyyat bazasından üçünü bağlayır, qoşunların sayını 2000-dən 1400-ə endirir”, - nəşr iki ABŞ rəsmisinə istinadən yazır.
Onlar qeyd ediblər ki, ixtisar Pentaqon və Mərkəzi Komandanlıq tərəfindən təsdiq edilmiş bazaların bağlanması və möhkəmləndirilməsi ilə bağlı Ordunun tövsiyələrinə əsaslanır.
Mənbələr bildiriblər ki, ABŞ komandirləri 60 gün ərzində ixtisarın davam edib-etməyəcəyini qiymətləndirəcəklər. Bir rəsminin sözlərinə görə, yerdəki amerikalı komandirlər “Suriyada ən azı 500 amerikalı hərbçini tərk etməyi” tövsiyə ediblər.
Qəzet yazır ki, ABŞ prezidenti Donald Trampın administrasiyasının Suriya ilə bağlı siyasətini yenidən nəzərdən keçirəcəyi gözlənilir və bəzi rəsmilər Amerika qoşunlarının sayının yarıdan çox azaldıla və ya hətta tamamilə çıxarıla biləcəyinə inanırlar.
“The New York Times” xatırladır ki, Tramp Suriyada hər hansı bir Amerika hərbi varlığının saxlanmasına “dərin skeptisizm ifadə edib”.
2025-ci ilin fevral ayının əvvəlində “NBC News” mənbələrə istinadən xəbər verdi ki, Pentaqonun bütün Amerika qoşunlarının Suriyadan çıxarılması zərurəti yaranacağı təqdirdə plan hazırlayır.
Almaz Həsənli