Bratislava və Slovakiyanın beş şəhərində hökumət əleyhinə etirazlar keçirilib

Slovakiyanın altı ən böyük şəhərində bir neçə min iştirakçının iştirak etdiyi hökumət əleyhinə kütləvi etiraz aksiyaları keçirilib. Bu barədə Markiza telekanalı məlumat yayıb.

Ən çox etirazçı paytaxt Bratislavada toplaşıb. Nümayişçilər hakimiyyətdən qeyri-hökumət təşkilatlarının fəaliyyətinin tənzimlənməsini sərtləşdirmək üçün qanunvericilik təşəbbüslərindən imtina etməyi tələb ediblər. Etirazçılar həmçinin kabineti Rusiya ilə yaxınlaşma siyasətinə görə tənqid edib, Ukraynaya dəstək ifadə ediblər və baş nazir Robert Fitsonun rəhbərlik etdiyi hökuməti istefaya çağırıblar.

Etirazları müxalifətin liberal partiyalarına bağlı vətəndaş fəalları təşkil edib. Etirazçılarla həmrəylik məqsədilə Çexiyanın Brno şəhərində də mitinq keçirilib.

Telekanalın məlumatına görə, cümə günü etirazlar Slovakiyanın daha 16 kiçik şəhərinə yayılacaq, həmçinin xaricdə - Brüssel, London, Oslo və Stokholmda baş tutacaq.

Bundan əvvəl Fitso bildirmişdi ki, Slovakiyada məqsədi hökuməti devirmək olan “xarici ekspertlər” qrupu fəaliyyət göstərir. Onun sözlərinə görə, hökumət əleyhinə aksiyalar zamanı hökumət binalarına daxil olmaq cəhdləri ola bilər. Slovakiyanın baş naziri əlavə edib ki, etirazçılar dövlət qurumlarının işinə mane olmaq üçün onları da işğal etməyə cəhd edə bilərlər.

Əziz Mustafa, Oxuməni.az