BMT maliyyə böhranı səbəbindən geniş miqyaslı yenidənqurma planlaşdırır
Birləşmiş Millətlər Təşkilatı (BMT) büdcənin kəskin azaldılması fonunda təşkilatın səmərəliliyini artırmaq məqsədi daşıyan əsaslı inzibati islahatları planlaşdırır.
BMT-də islahatlarla bağlı təkliflər dünya qurumunun daxili memorandumunda əksini tapıb, bu haqda “Reuters” agentliyi məlumat yayıb.
“Ciddi məxfi” qeyd edilən altı səhifəlik sənəddə digər məsələlərlə yanaşı, onlarla ixtisaslaşmış BMT agentliyinin dörd əsas departamentdə birləşdirilməsini ehtiva edən təkliflər siyahısı var: sülh və təhlükəsizlik, humanitar məsələlər, davamlı inkişaf və insan hüquqları.
“Reuters”-in hesablamalarına görə, təkliflər qəbul edilərsə, BMT-nin onilliklərdəki ən genişmiqyaslı islahatına bərabər olacaq dəyişikliklər həm böyük, həm də kiçik dəyişikliklərin yenidən təşkili əhatə edir.
Bu təkliflərə tərcüməçilərin minimum sayının azaldılması və BMT-nin bəzi işçilərinin Nyu York və Cenevrədən daha ucuz şəhərlərə köçürülməsi daxildir. “Reuters” tərəfindən də görülən başqa bir qeyddə, BMT-nin yüksək səviyyəli rəsmilərindən mayın 16-dək onları Nyu-York və Cenevrədən kənara çıxara biləcək mövqelərin siyahısını hazırlamaları istənilib.
İnzibati islahatlarla bağlı memorandum mart ayında BMT-nin baş katibi Antonio Quterreş tərəfindən yaradılmış işçi qrup tərəfindən hazırlanıb və bildirib ki, təşkilat öz xərclərinin səmərəliliyini artırmalıdır.
BMT hazırda 80 illik tarixində ən ciddi maliyyə böhranlarından biri ilə üz-üzədir. İlin əvvəlinə ən böyük donoru olan ABŞ-ın BMT-nin adi büdcəsinə icbari ödənişlər şəklində 1,5 milyard dollar, habelə sülhməramlı missiyalar üçün ödənişlər şəklində 1,2 milyard dollar borcu yığılıb.
Memorandumda birbaşa olaraq heç bir ölkənin adı çəkilmir, lakin qeyd edilir ki, “geosiyasi dəyişikliklər və beynəlxalq yardım büdcəsində əhəmiyyətli azalmalar Təşkilatın legitimliyi və effektivliyinə problemlər yaradır”.
Büdcəsində 58 milyon avro itirən BMT-nin Humanitar Məsələlərin Koordinasiyası İdarəsi işçilərini 20% ixtisar edib. UNICEF büdcənin 20%, BMT-nin Miqrasiya Agentliyinin isə 30% azaldılmasını proqnozlaşdırır ki, bu da 6000 iş yerinə təsir edir.
Almaz Həsənli
