Üzərində “Türk-Xaqan” yazısı olan qədim sikkə aşkar edilib

Özbəkistanda arxeoloqlar ən mühüm tarixi kəşflərdən birinə çevrilə biləcək qədim qızıl sikkə aşkar ediblər. Sikkənin VI əsrə aid olduğu güman edilir və üzərində “Türk-Xaqan” yazısı həkk olunub. Tədqiqatçılar hesab edirlər ki, bu tapıntı türk etnik qrupunun mövcudluğunun ilk yazılı sübutu ola bilər. Bu barədə “TRT Haber” məlumat yayıb.

Sikkə çox güman ki, VI əsrdə mövcud olmuş və türk xalqlarının ilk rəsmi dövlət quruluşu olmuş Göktürk dövləti dövrünə aiddir. O dövrdə “Kaqan” sözü ali hökmdar mənasını daşıyırdı və “Türk-Kağan” yazısının olması o zaman da türklərin öz milli kimliyindən, dövlətçiliyindən xəbərdar olduğunu təsdiqləyir.
Bu sikkə nəinki tarixi dəyərə malikdir, həm də türk dilinin və mədəniyyətinin inkişafı haqqında yeni məlumatlar verə bilər. Tədqiqatçılar bunun “türk” sözünün olduğu ilk məlum sənəd olduğunu ehtimal edirlər. Əgər fərziyyə təsdiqlənərsə, kəşf türk xalqlarının erkən tarixi haqqında anlayışımızı dəyişəcək.
Hazırda tarixçilər və arxeoloqlar sikkənin tədqiqini davam etdirirlər. Metal analizi onun dəqiq yaşını müəyyən etməyə kömək edəcək və digər artefaktlarla müqayisə onun tarixi kontekstini müəyyənləşdirməyə kömək edəcək.
Bu kəşf türk xalqlarının ilkin tarixinə və dövlətçiliyinə işıq salmaqla yanaşı, dil və mədəniyyətin inkişafı haqqında yeni biliklər verə bilər.
Almaz Həsənli