Tramp NBC və ABC telekanallarını lisenziyalarını ləğv etməklə hədələyib

ABŞ prezidenti Donald Tramp deyib ki, Amerikanın ən böyük televiziya şəbəkələri NBC və ABC onun fəaliyyətini qərəzli işıqlandırdıqlarına görə Federal Rabitə Komissiyasından (FCC) lisenziyalarını itirə bilərlər. O vurğulayıb ki, kanallar həm də “haqsız yerə respublikaçılar və mühafizəkarları işıqlandırır”. Bu barədə “Bloomberg” yazır.

“Niyə ABC və NBC FAKE NEWS, dünyada ən pis və qərəzli şəbəkələr, ildə milyonlarla dollar lisenziya haqqı ödəmirlər. Onlar respublikaçıları və/və ya mühafizəkarları ədalətsiz şəkildə işıqlandırdıqları üçün lisenziyalarını itirməlidirlər, lakin ən azı istənilən vaxt və yerdə ən dəyərli radio dalğalarından istifadə etmək imtiyazına görə böyük pul ödəməlidirlər!!!", - Tramp “Truth Social”-da yazıb.

Onun sözlərinə görə, əgər media özünü belə aparırsa, o zaman “onlar sadəcə Demokrat Partiyasının orqanıdırlar” və “FCC lisenziyalarını itirməlidirlər”.

"Mən bunu tam dəstəkləyərdim, çünki onlar o qədər qərəzli və vicdansızdırlar ki, demokratiyamız üçün real təhlükədir!!!", - ABŞ prezidenti əlavə edib.

Bu bəyanatlar Trampla Amerikanın ən böyük media qurumları arasında bir sıra hüquqi mübahisələr fonunda verilib. İyul ayında o, “CBS News”-a qarşı 16 milyon dollarlıq iddianı həll etdi, həmçinin böhtan işində ABC ilə 15 milyon dollarlıq razılaşma əldə etdi. Bu proseslər FCC-nin “Paramount Global” (CBS-in ana şirkəti) və “Skydance Media”-nın birləşməsini təsdiqləməsi fonunda baş verdi.

Bu arada, FCC sədri, respublikaçı Brendan Karr, “Comcast”-ın müxtəliflik, bərabərlik və daxilolma siyasətləri, habelə NBC-nin regional yayımçılarla əlaqələri ilə bağlı proqramları ilə bağlı araşdırmaya başlayıb. NBC “Comcast”-ın bir hissəsi olan “NBCUniversal”-a məxsusdur, ABC isə “The Walt Disney Company” tərəfindən idarə olunur.

Bu, Trampın NBC telekanalına ilk hücumu deyil. 2017-ci ildə, ilk səlahiyyət müddətində o, ABŞ-ın nüvə arsenalını genişləndirmək planları haqqında xəbər dərc edildikdən sonra kanalın lisenziyalarının yenilənməsinin müdrikliyini şübhə altına aldı. Tramp həmin vaxt bu şərhləri təkzib edib.

Almaz Həsənli