Vladimir Zelenski ABŞ-a Donald Trampla görüşmək üçün gəlib

Ukrayna mediası xəbər verir ki, Vladimir Zelenski cümə axşamı axşam ABŞ-a gəlib.
Ukrayna liderinin təyyarəsi Vaşinqton yaxınlığındakı Endryus Hərbi Hava Qüvvələri bazasına enib.
Zelenski Telegram-da yazıb ki, o, digər məsələlərlə yanaşı, hava hücumundan müdafiə sistemlərinin əlavə təchizatını müzakirə etmək üçün yaxın saatlarda Amerika müdafiə şirkətlərinin nümayəndələri ilə görüşmək niyyətindədir. Bundan sonra Ukrayna prezidentinin Amerikanın enerji şirkətlərinin nümayəndələri ilə də görüşü nəzərdə tutulub. "İndi Rusiya bizim enerji sektorumuza qarşı terrora arxalanarkən və gündəlik zərbələr endirərkən biz Ukraynanın sabitliyini təmin etməyə çalışırıq", - Zelenski qeyd edib.
Oktyabrın 17-də Vladimir Zelenski ABŞ prezidenti Donald Trampla görüşəcək. “Biz ümid edirik ki, Yaxın Şərqdə terror və müharibənin qarşısını almaq üçün verilən təkan Rusiyanın Ukraynaya qarşı müharibəsini dayandırmağa kömək edəcək”, - deyə Ukrayna prezidenti Trampın Qəzza zolağında iştirakı ilə əldə olunan atəşkəs razılaşmasına toxunaraq yazıb. O, həmçinin qeyd edib ki, “Moskva Tomaqavklar haqqında eşidən kimi dialoqu bərpa etməyə tələsir”.
Vladimir Zelenskinin gəlişindən bir neçə saat əvvəl ABŞ prezidenti Rusiya lideri Vladimir Putinlə telefon danışığı aparıb. Bundan sonra Tramp Macarıstanda Putinlə görüşməyi planlaşdırdığını açıqlayıb.
Almaz Həsənli