Səudiyyə Ərəbistanı gələcəkdə İbrahim Sazişlərini imzalayacaq

Səudiyyə Ərəbistanı zamanla İsraillə münasibətlərin normallaşdırılmasına dair İbrahim Sazişlərinə qoşulacaq.

Oxuməni.az-ın TASS-a istinadla verdiyi xəbərə görə, bunu ABŞ prezidenti Donald Tramp, İsrail baş naziri Binyamin Netanyahu ilə ikitərəfli görüşlərinin yekunlarına dair birgə mətbuat konfransında bildirib.

Amerika lideri qeyd edib ki, saziş iştirakçılarının dairəsinin genişləndirilməsi prosesi "çox tez" gedəcək. "Səudiyyə Ərəbistanı çox yaxşı davranır. Mənim başa düşdüyümə görə, onlar İsraillə barışmaq üçün bizim istəyə biləcəyimiz hər şeyi etdilər", - deyə Tramp bildirib.

ABŞ prezidenti, Ər-Riyadın yəhudi dövləti ilə münasibətlərini rəsmiləşdirəcəyinə əminliyini ifadə edib. "Onlar [barışacaqlar] və bir müddət sonra İbrahim Sazişlərini imzalayacaqlar", - deyə o vurğulayıb.

Ağ Evdə Tramp ilə 18 noyabrda keçirilən görüş zamanı SəudiyyəƏrəbistanının vəliəhd şahzadəsi Məhəmməd bin Salman Al Səud, İsraillə münasibətlərin normallaşdırılmasına başlamaq üçün Ər-Riyada Fələstin dövlətinin yaradılmasına "geri dönməz, etibarlı və vaxtı müəyyən edilmiş bir yol" lazım olduğunu vurğulayıb.

Almaz Həsənli