Kuşner və Vitkoff "İstəklilər Koalisiyası" görüşündə iştirak etmək üçün Parisə gedəcəklər

ABŞ Parisdə keçiriləcək Ukrayna danışıqları üçün nümayəndələrini açıqlayıb.

Bu barədə Reuters Ağ Ev sözçüsü məlumat yayıb.

ABŞ Prezidenti Donald Trampın xüsusi nümayəndəsi Stiv Vitkoff və kürəkəni Cared Kuşner bu həftə Parisdə keçiriləcək "İstəklilər Koalisiyası" görüşündə ABŞ-ı təmsil edəcəklər.

Hazırda gündəliyin rəsmi təfərrüatları və Paris danışıqlarında iştirak edənlərin siyahısı hələ açıqlanmayıb.

Vitkoff və Kuşner əvvəllər Ukrayna ilə bağlı beynəlxalq görüşlərdə, o cümlədən Berlində iştirak etmiş, Ukrayna Prezidenti Volodimir Zelenski ilə görüşmüş və təhlükəsizlik və müharibədən sonrakı yenidənqurma məsələlərini müzakirə etmişdilər.

"Könüllülər Koalisiyası" liderlərinin görüşü Fransa Prezidenti Emmanuel Makronun təşəbbüsü ilə 6 yanvarda Parisdə keçiriləcək. Fransa lideri bildirib ki, bu görüş zamanı hər bir "Könüllülər Koalisiyası" ölkəsinin Ukrayna üçün təhlükəsizlik zəmanətlərinə verdiyi töhfə müəyyən ediləcək.

Xatırladaq ki, qrupa Ukraynanın Avropa və ABŞ-dan olan əsas tərəfdaşları da daxil olmaqla 30-dan çox ölkə daxildir və onlar sülh planını, təhlükəsizlik zəmanətlərini və müharibədən sonra Ukraynaya davamlı dəstəyi müzakirə edirlər.

Əziz Mustafa