Tramp ABŞ-ın Venesueladakı əməliyyatını "möhtəşəm hərbi nailiyyət" adlandırdı

7 Yanvar 10:22

Bəyəndim (0) Bəyənmədim (0)

ABŞ Prezidenti Donald Tramp Venesueladakı əməliyyatla öyündü və Amerika ordusunu "dünyanın ən güclü və ən inkişaf etmiş" ordusu adlandırdı.

Bu barədə Sky News məlumat verib.

Xüsusilə, o, Venesueladakı əməliyyatı "möhtəşəm hərbi nailiyyət" adlandırıb.

"Onlar bilirdilər ki, biz gəlirik... demək olar ki, bütün ölkəyə enerji verilmirdi. Məhz o zaman problem olduğunu anladılar. Güc yox idi... Ona görə də onları bir az təəccübləndirdik, amma bu, möhtəşəm idi. Taktiki cəhətdən möhtəşəm idi. Bu, inanılmaz idi", - deyə Amerika prezidenti bildirib.

Tramp həmçinin əməliyyatda "kubalılar"ın öldürüldüyünü bildirib, lakin heç bir təfərrüat verməyib.

Bundan əlavə, o, Venesuelada Nikolas Maduronu aradan qaldırmaq üçün keçirilən əməliyyatın ABŞ-ın "ən güclü, ən ölümcül və ən mürəkkəb" orduya sahib olduğunu sübut etdiyini vurğuladı.

Əziz Mustafa