Marko Rubio ABŞ-ın Venesuela üçün planının üç hissədən ibarət olduğunu açıqlayıb

RİA Novosti-nin məlumatına görə, ABŞ-ın Dövlət Katibi Marko Rubio ABŞ-ın Venesuela üçün planının üç hissədən ibarət olduğunu açıqlayıb.

"Beləliklə, irəlilədikcə, Venesuelada üç mərhələdən ibarət olan bu prosesi təsvir edəcəyik. İlk addım ölkədəki vəziyyəti sabitləşdirməkdir. Biz onun xaosa çevrilməsini istəmirik", - deyə nazir bildirib.

Rubio əlavə edib ki, planın ikinci mərhələsi Venesuela iqtisadiyyatının bərpasını əhatə edir. Onun sözlərinə görə, bu mərhələdə ABŞ Amerika, Qərb və digər şirkətlərə ölkə bazarına "ədalətli giriş" təmin etmək niyyətindədir.

Dövlət Katibi qeyd edib ki, üçüncü mərhələ müxalifət qüvvələrinin əfvini nəzərə alaraq hakimiyyətin ötürülməsini əhatə edir. Bu proses zamanı ABŞ siyasi məhbusları azad etmək və ya geri qaytarmaq və vətəndaş cəmiyyətini bərpa etmək niyyətindədir. Rubio vurğulayıb ki, Vaşinqton yaxın günlərdə planın əlavə təfərrüatlarını açıqlayacaq.

3 yanvar 2026-cı ildə ABŞ qüvvələri Venesuelaya hücum edərək prezident Nikolas Maduro və həyat yoldaşını əsir götürdü. 5 yanvar 2026-cı ildə Venesuela liderinin narkotik kartelinin yaradılması ilə bağlı cinayətlərə görə məhkəməsi başladı. Lakin işin mahiyyəti üzrə araşdırılması 2027-ci ilə qədər başlamayacaq.

Əziz MUSTAFA