Dövlət Departamenti ABŞ vətəndaşlarını İranı dərhal tərk etməyə çağırıb

ABŞ Dövlət Departamenti və Tehrandakı virtual səfirlik vətəndaşlarını ölkəni dərhal tərk etməyə çağırıb. Bu barədə İrandakı ABŞ səfirliyinin veb saytı məlumat yayıb.

Xəbərdarlıq bazar ertəsi günü, İranda hökumət əleyhinə nümayişlər üçüncü həftəsinə qədəm qoyarkən verilib. İnsan haqları təşkilatları və medianın məlumatına görə, bu nümayişlər yüzlərlə insanın ölümünə və minlərlə insanın həbsinə səbəb olub. Xüsusilə, səfirliyin bəyanatında bildirilir ki, İranda etirazlar güclənir və daha da şiddətlənə bilər ki, bu da həbslərə və xəsarətlərə səbəb olur.
Bundan əlavə, gücləndirilmiş təhlükəsizlik tədbirləri, yolların bağlanması, ictimai nəqliyyatda fasilələr və internetin bloklanması davam edir. İrinanın hökuməti mobil, stasionar və milli internet şəbəkələrinə çıxışı da məhdudlaşdırıb.

Aviaşirkətlər də İrana və İrandan uçuşları məhdudlaşdırmağa və ya ləğv etməyə davam edir. Bir neçə şirkət 16 yanvar cümə gününə qədər uçuşları dayandırıb. Səfirlik vurğulayıb ki, "ABŞ vətəndaşları internetdə fasilələrin davam edəcəyini gözləməli, alternativ rabitə vasitələri planlaşdırmalı və təhlükəsiz olarsa, İrandan Ermənistana və ya Türkiyəyə quru yolu ilə getməyi düşünməlidirlər".

Əziz MUSTAFA