ABŞ İrana hücum hədəfləri ilə bağlı müttəfiqlərindən kəşfiyyat məlumatları istəyib

Tramp administrasiyası Avropa müttəfiqlərindən hücumlar üçün potensial İran hədəfləri ilə bağlı kəşfiyyat məlumatlarını paylaşmalarını istəyib. “The Washington Post” (WP) qəzetinin iki Avropa rəsmisinə istinadən verdiyi məlumata görə, sorğu 13 yanvarda göndərilib.

Bir rəsmi əmin edib ki, "Prezident Trampın nüvə obyektlərinə hücum etmək niyyətində olduğuna dair heç bir dəlilimiz yoxdur. Etirazçıların öldürülməsində məsul olan və iştirak edən təşkilatların və qüvvələrin rəhbərliyinin təqibinə məruz qalması ehtimalı daha yüksəkdir".

WP mənbəyinə görə, Pentaqon İrandan mümkün cavab tədbirlərindən narahatdır. Venesueladakı missiya səbəbindən Yaxın Şərqdəki ABŞ Mərkəzi Komandanlığından təyyarələr, gəmilər və xüsusi əməliyyat qüvvələri geri çəkilib. "Administrasiyanın hazırda regionda tammiqyaslı hərbi hücum başlatmaq üçün resursları yoxdur", - deyə mənbə bildirib.

Dekabrın sonlarından bəri İranda milli valyutanın çökməsi və qiymətlərin kəskin artması ilə başlayan etirazlar davam edir. Etirazçılar rejim dəyişikliyini tələb edirlər. 2000-dən çox insan öldürülüb, 10000-dən çox insan həbs edilib. Yanvarın 13-də ABŞ prezidenti Donald Tramp İrandakı etirazçılara təcili yardım vəd etdi. O, İrana qarşı tədbirlər barədə artıq qərar verdiyini açıqladı, lakin heç bir təfərrüat açıqlamadı.

Almaz Həsənli