ABŞ-da qar fırtınası səbəbindən 10.000-dən çox uçuş ləğv edilib
ABŞ-da qar fırtınası səbəbindən 10.000-dən çox uçuş ləğv edilib və təxirə salınıb. Associated Press-in verdiyi məlumata görə, fırtınanın ölkənin böyük bir hissəsini əhatə etməsi gözlənilir.
Şiddətli hava şəraiti səbəbindən Texasda 18.000-dən çox müştəri elektriksiz qalıb. 18 ştatın qubernatorları fövqəladə vəziyyət elan ediblər. Qar fırtınası xəbərdarlıqları 190 milyondan çox insana şamil edilir. Milli Hava Xidməti Şərqi Texasdan Şimali Karolinaya qədər güclü qar yağacağını və buz zolağı olacağını proqnozlaşdırır.
ABC News-un verdiyi məlumata görə, Federal Fövqəladə Halların İdarə Edilməsi Agentliyi (FEMA) 250.000 yemək, 400.000 litr su və 30 generator hazırlayıb. İyirmi səkkiz şəhər axtarış və xilasetmə qrupu hazır vəziyyətdədir. Onlar qubernatorların tələbi ilə xilasetmə əməliyyatları aparacaqlar.
Əziz MUSTAFA
.jpg)
