Britaniya Ukraynadakı hərbi mövcudluğunu artırıb

Britaniya müdafiə naziri Con Heyli bildirib ki, Kiyevdəki səfirliyin təhlükəsizliyini təmin edən və hərbi əməliyyatlarda iştirak edən Ukraynadakı Britaniya qoşunlarının sayı 2024-cü ilin iyul ayında Leyboristlər Partiyası hakimiyyətə gələndən bəri artıb.

Oxuməni. az-ın verdiyi xəbərə görə, o, İcmalar Palatasının Müdafiə Komitəsində çıxış edərkən bildirib ki, "Ukraynada səfirliyə və Ukraynaya müdafiədə kömək edən bir sıra Britaniya qoşunlarımız var. Bu, səfirliyin müdafiə bölməsi 2022-ci ilin aprelində yenidən açılandan bəri belədir. Bu rəqəm iyul 2024-cü il seçkilərindən bəri artıb. Biz Ukraynanın xahişi ilə ona dəstəyimizi artırmağa davam edirik."

Rusiyanın Londondakı səfiri Andrey Kelin əvvəllər TASS müxbirinə danışarkən bildirib ki, Böyük Britaniya Ukraynadakı münaqişədə bəlkə də digər NATO üzv dövlətlərindən daha dərindən iştirak edir. O qeyd edib ki, Ukraynada uzun mənzilli "Storm Shadow" raketlərinin buraxılışında iştirak edən xüsusi təyinatlıların, təlimatçıların və hərbi mütəxəssislərin iştirakı rəsmi olaraq təsdiqlənib.

Əziz Mustafa