Rusiyada məşhur qazax reperi Ganvestə qarşı iş açılıb

Məşhur qazax və rus reperi Ganvest bir neçə mahnısında narkotik maddələrin təbliğində ittiham olunub. Bu barədə Yekaterina Mizulina məlumat verib.

Təhlükəsiz İnternet Liqasının rəhbəri Yekaterina Mizulina Telegram kanalında musiqiçinin sözlərinin təhlil üçün göndərildiyini açıqlayıb. Günahkar bilinərsə, "Na rahate" hitinin ifaçısı inzibati cərimə ilə üzləşəcək.

"Rusiya Daxili İşlər Nazirliyinin Sankt-Peterburq üzrə Baş İdarəsi ifaçı Qanvestə qarşı bir neçə bəstədə narkotik istifadəsini təbliğ etdiyinə görə inzibati iş açıb. İnzibati araşdırma aparılır və materiallar ekspertizaya göndərilib. Bu barədə sorğumuza cavabda deyilir", - deyə Mizulina yazıb.

El.kz-in məlumatına görə, Qanvestin əsl adı Ruslan Qominovdur. O, 11 noyabr 1992-ci ildə Aktauda anadan olub. O, hazırda Qazaxıstan və Rusiyada populyar reper kimi tanınır.

Keçmişdə Qanvest "shneine", "pepe" və "fa" kimi qəribə, mənasız sözlərlə aktiv şəkildə video çəkməyə başlayıb. Sənətçi bu ifadələri özü yaradıb və onlardan ara sözlər və ya doldurucu sözlər kimi istifadə edərək nitqini səhnə personasının bir hissəsinə çevirib.

Əziz Mustafa