Çin hakimiyyəti ailələri xaricdə yaşayan məmurlara qarşı məhdudiyyətləri sərtləşdirib

Çin hakimiyyəti korrupsiyaya qarşı mübarizə siyasətinin .bir hissəsi olaraq, bu yaxınlarda ailə üzvləri xaricdə yaşayan məmurlara qarşı məhdudiyyətləri sərtləşdirib. Bu barədə RİA Novosti məlumat yayıb

Bu antikorrupsiya kampaniyasının dövlət qurumlarını, müəssisələrini və ölkənin silahlı qüvvələrini əhatə etdiyi bildirilir. Hazırda ona ölkə lideri Si Cinpin rəhbərlik edir.

"Mənbələrə görə, Pekin son bir ildə böyük antikorrupsiya kampaniyasının bir hissəsi olaraq ailə üzvləri xaricdə yaşayan məmurlara qarşı məhdudiyyətləri sakitcə sərtləşdirib", yerli SCMP qəzeti bildirib.

Mənbələr bildiriblər ki, ötən ilin əvvəlindən bəri yüksək vəzifəli məmurların və rəhbərlərin xaricdəki əlaqələrini araşdırmaq üçün dövlət qurumlarında və müəssisələrində yoxlamalar aparılıb. Əvvəllər yoxlamalar həyat yoldaşları və uşaqları xaricdə yaşayan sözdə "çılpaq məmurları" müəyyən etmək məqsədi daşıyırdı.

Kommunist Partiyası son yoxlamaların daha bir kateqoriya məmurları - uşaqları xaricdə yaşayan və həyat yoldaşları Çində yaşayanları əhatə etmək üçün genişləndirildiyini bildirdi.

Təşkilat şöbəsinin korrupsiya ilə bağlı narahatlıqlar səbəbindən hazırda "bu cür şəxsləri daha aşağı vəzifələrə keçirdiyi" bildirilir.

Əziz Mustafa