Türkiyə və İsrailin birbaşa toqquşması ehtimalı qiymətləndirilib

15:12

Bəyəndim (1) Bəyənmədim (0)

ABŞ hesab etmir ki, Suriyada gərginliyin artması fonunda İsrail və Türkiyə birbaşa qarşıdurmaya yaxınlaşır. Oxuməni. az xəbər verir ki, bu barədə ABŞ-ın İsraildəki səfiri Mayk Hakabi Reuters agentliyinə müsahibəsində bildirib.

«Mən bunun baş verəcəyini düşünmürəm. Hətta düşünmürəm ki, biz buna yaxınlaşmışıq», — diplomat deyib. O qeyd edib ki, Vaşinqton artıq İsrail, Türkiyə və Suriya arasındakı münasibətlərin deeskalasiyası üçün mexanizm formalaşdırmağa başlayıb. Onun sözlərinə görə, proses hazırda yekunlaşdırılma mərhələsindədir.

Hakabi həmçinin vurğulayıb ki, İsrailin Suriyadakı hərəkətləri məhdud xarakter daşıyıb. «İsrail Türkiyənin cənuba doğru hərəkət etdiyini gördü və bunu potensial təhlükə kimi qiymətləndirdi. Lakin İsrail itkilərə və ciddi maddi ziyana səbəb olacaq addımlar atmadı», — səfir əlavə edib.

Almaz Həsənli