ABŞ-da seçkilərdə iştirak etdiklərinə görə on altı xarici vətəndaş ittiham olunub

ABŞ prokurorları, ABŞ hakimiyyət orqanlarının məlumatına görə, federal seçkilərdə iştirak edən ümumilikdə 16 xarici vətəndaşa qarşı müxtəlif ittihamlar irəli sürüblər. Oxuməni.az xəbər verir ki, bu barədə ABŞ Ədliyyə Nazirliyi bəyan edib.

Ədliyyə Nazirliyinin məlumatına görə, bu şəxslər "qanunsuz səsvermə, saxta seçici qeydiyyatı" və digər oxşar cinayətlərdə ittiham olunurlar. Ədliyyə Nazirliyinin mətbuat açıqlamasında 16 xarici vətəndaşın adları və onlara qarşı irəli sürülən ittihamlarla bağlı hallar sadalanır. Sözügedən şəxslər Baham adaları, Bosniya və Herseqovina, Braziliya, Qana, Almaniya, İtaliya, Kanada, Kuba, Liberiya, Litva, Meksika, Nikaraqua, Şimali Makedoniya və Cənubi Afrika vətəndaşları idi. Onların hamısı ABŞ-da yalnız daimi yaşayış icazəsinə malik idilər, yəni səs vermək hüququna malik deyildilər.

Vaşinqton federal seçkilərdə seçicilər üçün ABŞ vətəndaşlığının daha sərt yoxlanılması üçün fəal şəkildə çalışır. ABŞ prezidenti Donald Tramp Konqresdən bu barədə qanun layihəsinin qəbul edilməsini tələb edir.

Əziz Mustafa