Ermənistanın sabiq xarici işlər nazirinin deputat toxunulmazlığı ləğv edildi

2 Oktyabr 2012 17:09

Bəyəndim (0) Bəyənmədim (0)

Bu gün Ermənistan parlamentində keçirilən səsvermə nəticəsində ölkənin sabiq xarici işlər naziri Vardan Oskanyan deputat toxunulmazlığından məhrum edilib. Tert.am-ın xəbərinə görə, 64 lehinə və 6 əleyhinə səslə "Çiçəklənən Ermənistan" partiyasının üzvü, millət vəkili Vardan Oskanyan barəsində parlamentdə qərar qəbul edilib. Səsvermənin nəticələrini Ermənistan Milli Məclisinin yüksək tribunasından iqtidarda olan "Respublika" partiyasının üzvü, deputat Sukias Avetisyan elan edib.

Yerli analitiklərin fikrincə, sabiq xarici işlər naziri barəsində çıxarılan qərar ölkə prezidentinin tapşırığına əsaslanıb. Bununla Serj Sarkisyan onu iqtidara gətirmiş R.Koçaryanın siyasi fəaliyyətini və nüfuz dairəsini məhdudlaşdırmağa çalışır.

O.M.