Ermənistan “Eurovision-2012” UMM-dan qovula bilər
Cəmi iki gün əvvəl Ermənistanın İctimai Televiziyası "Eurovision-2012" Uşaq Mahnı Müsabiqəsində iştirak edəcək nümayəndəsinin adını açıqlamışdı. Bu, 5 oğlandan ibarət "Compass band" qrupu idi.
Ermənistanın "Qraparak" qəzetinin yaydığı məlumata görə, erməni nümayəndələrinin səfəri sual altındadır. Belə ki, qrup üzvlərinin bir neçəsinin yaşı dəyişdirilib. Bu isə milli seçim turunun nəticələrinin ləğv edilməsinə gətirib çıxara bilər. Məlumatda bildirilir ki, hazırda Ermənistan İctimai Televiziyası qalmaqallı vəziyyətdən çıxış yolu axtarır. Böyük ehtimalla, bu ilin 01 dekabr tarixində Amsterdamda keçirilməsi nəzərdə tutulan müsabiqəyə Ermənistan nümayəndə heyəti qatılmayacaq.
Xatırladaq ki, Ermənistan nümayəndə heyəti bu il Bakıda keçirilən "Eurovision-2012" Mahnı Müsabiqəsinə də qatılmamışdı.
O.M.
