İstanbul qana boyandı! - TERROR! (FOTOLAR-VİDEO)
Türkiyənin İstanbul şəhərində avtobus dayanacağının yaxınlığında terror aktı törədilib, dəhşətli partlayış baş verib.
Məlumata görə, partlayış İstanbulun Vezneciler rayonunda baş verib.
Musavat.com Türkiyə mediasına istinadən bildirir ki, dayanacaqda baş verən partlayışda ölənlər var, yaralananların qeydə alınması davam edir.
İlkin məlumata görə, teraktın hədəfi çevik polis alayının əsgərləri olub. Onlar avtobus dayanacağının önündən keçdikləri əsnada partlayış baş verib və polisləri daşıyan avtobus da ciddi zədələnib.
***
"Yeni Şəfəq" qəzetinin yazdığına görə, terror aktında yeddi polis, 4 mülki vətəndaş həlak olub, 3-ü ağır olmaqla 36 şəxs yaralanıb.
Terror aktının məsafədən idarə olunan mexanizmlə törədildiyi bildirilir.
Partlayışdan sonra çevik polis qüvvələri havaya atəş açıblar. Tezliklə terror aktını törədənlərin axtarışına başlanıb.
Əməliyyatlara hərbi helokopterləər də dəstək veriblər.
Yaralıların 9-u Haseki, 6-sı Çapa, 2-si Samatya, 1-i Bezmi Alem xəstəxanalarına yerləşdirilib.
Törədilmiş terror aktıyla bağlı baş nazir Binəli Yıldırımla daxili işlər naziri Əfqan Ala görüşür.
