Ukrayna Silahlı Qüvvələrinin kifayət qədər hərbi texnikası yoxdur

Ukrayna prezidenti Vladimir Zelenski Ukrayna ordusunun hərbi texnika çatışmazlığı ilə üzləşdiyini deyib və müharibənin dayandırılması üçün gələn ay ikinci sülh sammitinin keçirilməsi planlarını təsdiqləyib.

Parisdə Fransa prezidenti Emmanuel Makronla görüşdən sonra Zelenski deyib: “Qışdan əvvəl sizin dəstəyinizə ehtiyacımız var”.

O, Avropa paytaxtlarına səfəri zamanı jurnalistlərin suallarını cavablandırarkən deyib ki, atəşkəs Avropa liderləri ilə müzakirə mövzusu deyil.

Bundan əvvəl Zelenski Londonda Böyük Britaniyanın baş naziri Key Starmerlə görüşündə Qələbə Planının təfərrüatlarını təqdim edib. Liderlər müttəfiqləri ilə birlikdə onun həyata keçirilməsi üzərində işləmək barədə razılığa gəliblər.

Bundan sonra prezident Fransaya uçub və orada fransalı həmkarı Emmanuel Makronla görüşüb.

Zelenski Makrona Ukraynanın qələbəsi üçün plan təqdim edib və noyabrda sülh sammiti keçirəcəyini açıqlayıb.

Onun sözlərinə görə, Ukrayna bunun müqabilində Qərb ölkələrindən zəmanət almaq üçün atəşkəs barədə düşünmür. Rusiya mediada bu cür güzəştlər barədə şayiələr yaya bilər.

Oxuməni.az