Baloğlan Əşrəfovdan şok açıqlama: "SARAYDA FONOQRAMLA KONSERT VERİRLƏR!"
Azərbaycanın əməkdar artisti Baloğlan Əşrəfov ATV telekanalının səhər verilişinin qonağı ikən aləmi bir birinə qatmış oldu.
Belə ki, o, yerli müğənniləri Heydər Əliyev adına Sarayda fonoqramla konsert verməkdə ittiham etdi. Sənətçi hətta xarici ulduzların da Sarayda fonoqramla oxuduqlarını etiraf etdi.
Verilişin qonaqlarının, hətta aparıcı Yusifin narahatçılığına səbəb olan müdaxilədən sonra Baloğlan müəllim, "problem yoxdur", deməklə özünü bir növ sığortalamaq istədi. Lakin artıq iş işdən keşmişdi.
Xatırladaq ki, Azərbaycan Respublikasının qanunlarına əsasən, H.Əliyev adına Sarayda fonoqramla konsert proqramı ilə çıxış etmək qadağan edilib.
P.S. Hadisə ilə əlaqədar H.Əliyev adına Sarayın mətbuat xidməti ilə əlaqə saxlamağa cəhd göstərdik. Laki dövlət idarəsi olan bu məkanda yarım saatdan çoxdur ki, dəstəyi qaldıran tapılmır.
Hazırladı: Könül Aypara
