Instagram və Facebook istifadəçiləri üçün yeni qərar

Instagram və Facebook istifadəçiləri üçün yeni qərar qəbul edilib.

Meta elan etdi ki, Instagram və Facebook istifadəçiləri mavi işarənin yoxlanılması üçün ödəniş edə bilərlər. Oxuməni.az xəbər verir ki, iPhone istifadəçiləri üçün ayda 14,99 dollara başa gələcək proqram bu həftə Avstraliya və Yeni Zelandiyada istifadəyə veriləcək.

Twitter-dəki eyni adlı lahiyədən sonra Meta Instagram və Facebook üçün də yeni qərar qəbul edib. Müvafiq olaraq, hesablarının bu tətbiqlərdə təsdiqlənməsini istəyən istifadəçilər ödəniş müqabilində mavi işarə ala biləcəklər.

Təsdiqlənmiş hesab internet brauzerləri üçün ayda 11,99 dollara, iPhone istifadəçiləri üçün isə 14,99 dollara başa gələcək. Proqram bu həftə Avstraliya və Yeni Zelandiyada əlçatan olacaq.

Meta-nın baş direktoru Mark Zukerberq bildirib ki, proqram sosial media proqramlarında təhlükəsizliyi və orijinallığı artıracaq. Qərar Twitter sahibi İlon Maskın 2022-ci ilin noyabrında premium Twitter Blue abunəliyini təqdim etməsindən sonra verilib.

Meta-nın ödənişli abunə xidməti hələ bizneslər üçün əlçatan deyil, lakin hər kəs yoxlama üçün ödəniş edə bilər. Nişanlar və ya "mavi işarələr" yüksək profilli hesabların həqiqiliyini göstərmək üçün yoxlama alətləri kimi istifadə olunur.

Meta öz saytında verdiyi açıqlamada abunəliyin ödəniş edən istifadəçilərə mavi nişan, onların yazılarına daha çox görünmə imkanı, surətçilərdən qorunma və müştəri xidmətlərinə daha asan giriş imkanı verəcək. Şirkət dəyişikliyin əvvəllər təsdiqlənmiş və mavi işarə almış hesablara təsir etməyəcəyini bildirib, lakin ödənişli funksiya sayəsində təsdiqlənmiş bəzi kiçik istifadəçilərin görünmə qabiliyyətinin artacağını qeyd edib.

Murad Şahməmmədov