“Avroviziya”da Azərbaycanın səsləri buna görə ləğv edilib

“Avroviziya”da Azərbaycanın səsləri buna görə ləğv edilib

20 May 2022 09:47
Bəyəndim (0) Bəyənmədim (0)

Avropa Yayım Birliyi (EBU) 6 ölkənin münsif səslərinin ləğv olunması ilə bağlı açıqlama verib.

Oxuməni.az-ın verdiyi xəbərə görə, qurumdan Bildirilib ki, buna səbəb 6 ölkənin münsiflərinin bir-birini öz sıralamalarında “TOP 5”də qeyd etməsidir.

Təşkilatçılar bunu münsiflər arasında xal transferi olaraq qəbul edib və müsabiqə qaydalarına zidd olduğu üçün xallar sıfırlanıb.

AYB ölkələrə öz münsif heyətləri ilə məsələni tədqiq etməyə imkan yaratdığını əlavə edib.

Qeyd edək ki, “Avroviziya” Beynəlxalq Mahnı Müsabiqəsinin təşkilatçısı olan Avropa Yayım Birliyi 6 ölkəni - Azərbaycan, Gürcüstan, Monteneqro, Polşa, Rumıniya və San-Marinonu münsiflər heyətindən çıxarıb. Buna münsiflər heyətinin səsverməni manipulyasiya etməkdə şübhəli bilinən cəhdləri səbəb göstərilib. Bu səbəbdən AYB altı ölkədən münsiflər heyətinin səslərini etibarsız sayıb.