Nazarbayev Putinə xatirələrinin müəllif surətini göndərib

Qazaxıstanın keçmiş prezidenti Nursultan Nazarbayev Rusiya prezidenti Vladimir Putinə “Mənim həyatım. Asılılıqdan azadlığa doğru” kitabını göndərib. “Kommersant” xəbər verir ki, bu barədə Rusiya prezidentinin mətbuat katibi Dmitri Peskov məlumat verib.

Peskovdan Rusiya prezidentinin Nazarbayevin xatirələrini oxuyub-oxumadığı soruşulub. “Nursultan Abişeviç kitabını Vladimir Vladimiroviçə göndərdi. Prezidentə təhvil veriləcək. Bu, elə orijinal surətdir”, - deyə mətbuat katibi bildirib.

Nursultan Nazarbayevin kitabı dekabrın 1-də, 1991-ci ildə Qazaxıstanda keçirilən ilk milli prezident seçkilərində qalib gəldiyi gün satışa çıxarılıb. Sabiq prezident xatirələrində onun rəhbərliyi altında ölkənin inkişafından, şəxsi həyatından, eləcə də əcnəbi həmkarları ilə münasibətlərindən danışır. Kitabın fəsillərindən biri Vladimir Putinə həsr olunub.

Məsələn, Nazarbayev öz xatirələrində ikinci arvadı və daha iki oğlu olduğunu etiraf edib, həmçinin Kasım-Jomart Tokayevin Qazaxıstan prezidenti kimi varisin seçilməsi qərarından və 2022-ci ilin yanvarında respublikada kütləvi etirazlardan danışıb.

Oxuməni.az