Üçqat “Grammy” mükafatı laureatı Kris Kristofferson vəfat edib

Məşhur amerikalı kantri-müğənni və aktyor Kris Kristofferson vəfat edib. Onun 88 yaşı var idi. Bu barədə “AP” nəşri məlumat yayıb.
Sənətçinin Havay adalarının Maui adasındakı evində dünyasını dəyişdiyi məlum olub. Ölümün səbəbi hələ açıqlanmayıb.
"Ərimiz, atamız və babamız Kris Kristoffersonun Havaydakı evdə vəfat etməsi xəbərini ürək ağrısı ilə bölüşürük. Bütün bu illər ərzində onu sevdiyiniz üçün təşəkkür edirik və bir göy qurşağı görəndə onun bizim hamımıza gülümsədiyini bilin”– ailə yazıb. Yeri gəlmişkən, Krisin həyat yoldaşı Liza, səkkiz övladı və yeddi nəvəsi qalıb.
Kris uşaqlıqdan musiqiyə maraq göstərib. 1971-ci ildə ilk solo albomunu qeyd edib. Daha sonra filmlərdə rol almağa başlayıb. Kristoffersonun iştirak etdiyi ən məşhur filmlər Ellen Burstin ilə "Alisa Artıq burada yaşamır", "Konvoy", "Meymunlar planeti" və Barbra Streisand ilə "Ulduz doğulur" filmləri olub.
Yeri gəlmişkən, "Bir ulduz doğulur" filmindəki roluna görə o, nüfuzlu Qızıl Qlobus Mükafatını aldı. Kris həm də üç dəfə Qremmi mükafatı laureatı oldu və 2004-cü ildə "Mən və Bobbi MakGi", "Gecədən keçməyə kömək et" və digər hitləri sayəsində “Country Music Hall of Fame” üzvü oldu.

Almaz Həsənli