Əfsanəvi rok musiqiçisi Ozzi Osborn vəfat edib

“Sky News” xəbər verir ki, britaniyalı rok musiqiçisi Ozzi Osborn 76 yaşında vəfat edib.

Məqalədə deyilir: "Hevi metal ulduzu Ozzi Osborn “Black Sabbath” qrup yoldaşları ilə yenidən bir araya gəldikdən və pərəstişkarları üçün böyük vida konserti verdikdən bir neçə həftə sonra vəfat etdi".

“Sky News”, həmçinin musiqiçinin ailəsinin həyat yoldaşı Şeron və dörd övladının imzası ilə bəyanat yayıb. Açıqlamaya görə, Ozzi Osborn ailəsinin əhatəsində dünyasını dəyişib.

Kanalın məlumatına görə, musiqiçi Parkinson xəstəliyindən əziyyət çəkirdi və son illər səhhətində başqa problemlər yaranıb.

Ozzi Osbornin həyat yoldaşı Şeron fevral ayında ərinin mütərəqqi Parkinson xəstəliyi səbəbindən artıq yeriyə bilmədiyini, lakin səsinin həmişəki kimi yaxşı olduğunu söylədi.

Ozzi Osborn (əsl adı Con Maykl Osborn) 1948-ci ildə Birmingemdə anadan olub. İyirmi il sonra o, Tony Ayommi, Gizer Batler və Bill Uord ilə birlikdə “Black Sabbath”-ı qurdu. Dünyada 75 milyondan çox albom satan ən uğurlu metal qruplarından birinə çevrildi.

1970-ci illərin sonlarında Osborn alkoqol və narkotik problemlərinə görə qrupdan qovulmuşdu. Musiqiçi solo karyerasını davam etdirdi.

Almaz Həsənli