Dövlət Tərcümə Mərkəzi Piter Brukun kitabını nəşr edib

Dövlət Tərcümə Mərkəzi Piter Brukun kitabını nəşr edib

15 Yanvar 2021 14:22
Bəyəndim (0) Bəyənmədim (0)

Dövlət Tərcümə Mərkəzi teatrşünaslıq, rejissor və aktyor sənətinin tədrisinə töhfə olaraq İngiltərənin görkəmli teatr və kino rejissoru, nəzəriyyəçisi Piter Stiven Brukun Azərbaycan dilinə tərcümə edilmiş məqalə və müsahibələrinin toplandığı “Boş məkan” kitabını nəşr edib.

Oxuməni.az-ın verdiyi məlumata görə, əsərlərin tərcümə müəllifi İlqar Əlfioğlu, redaktoru Rəbiqə Nazimqızıdır. Tərcümə Mərkəzindən bildirilib ki, “Cansız teatr”, “Müqəddəs teatr”, “Kobud teatr”, “Teatr”, “Y.Kaqarlitski” başlıqlı fəsillər üzrə toplanmış əsərlər teatr mühitinin pərdəarxası, aktyorluq və rejissorluq sənətinin görünən və gizli tərəflərini oxucuya çatdırır. Kitab Dövlət Tərcümə Mərkəzinin mətbəəsində çap edilib.

Qeyd edək ki, Piter Stiven Pol Bruk “Karamazov qardaşları”, “Dəfn olunmamış ölülər”, “Qış nağılı”, “Böyük inkvizitor”, “Dilənçilər operası”, “Yeddi gün, yeddi gecə” kimi məşhur teatr tamaşalarının, bədii və sənədli filmlərin müəllifidir. O, həmçinin 1968-ci ildə Parisdə yaradılmış Beynəlxalq Teatr Araşdırmaları Mərkəzinin təsisçisidir. “Britaniya imperiyası”, “Şərəf legionu” ordenlərinə layiq görülüb. “Avropa teatr mükafatı”, “Kioto” və “Beynəlxalq İbsen mükafatı” kimi ödüllərlə də təltif edilib. Əsərləri Azərbaycanda ilk dəfə nəşr olunur.

Oxuməni.az