Tramp ABŞ dövlət katibi vəzifəsinə namizəd seçib
Noyabrın 11-də “The New York Times”, “The Wall Street Journal” və “Financial Times” mənbələrinə istinadən ABŞ-ın yeni seçilmiş prezidenti Donald Tramp Florida ştatından respublikaçı senator Marko Rubionun dövlət katibi vəzifəsinə namizədliyini irəli sürməyə hazırlaşır.
“NYT” yazır ki, Tramp hələ də fikrini dəyişə bilər, çünki digər namizədləri bəyənir, “amma görünür, bu il vitse-prezidentliyə namizədini seçərkən hesab etdiyi Rubio ilə kifayətlənəcək”.
2010-cu ildə Senata seçilən Rubio Çin, İran, Venesuela və Kubaya qarşı sərt mövqe nümayiş etdirib. Bundan əlavə, o, Rusiya ilə danışıqlara başlamaq üçün Ukraynaya təzyiq göstərilməsinin tərəfdarıdır. Rubio ABŞ-ın dalana dirənmiş müharibəni maliyyələşdirdiyini və Ukraynanı bərpa etmək üçün 100 il lazım olduğunu bildirib.
Təyinat təsdiq olunarsa, Rubio yanvarda başlayacaq yeni Tramp administrasiyasında bu vəzifəni tutan ilk Latino və ölkənin baş diplomatı olacaq.
Almaz Həsənli
.jpg)
