Rusiyaya Hindistandan bir milyon əmək miqrantı gələcək

Rusiya yüksək ixtisaslı kadr çatışmazlığını kompensasiya etmək üçün Hindistandan 1 milyon əmək miqrantı cəlb etməyi planlaşdırır.

Oxuməni.az “URA.RU”-ya istinadla xəbər verir ki, bunu Ural Ticarət və Sənaye Palatasının rəhbəri Andrey Besedin deyib.

“URA.RU”-nun müxbiri xəbər verir ki, Hindistanın Rusiya Federasiyasındakı fövqəladə və səlahiyyətli səfirinin məlumatlarına istinadən, Yekaterinburqda bu ölkənin yeni Baş Konsulluğu açılacaq.

Onun sözlərinə görə, regionda kadr çatışmazlığını məhz Hindistan, Şri-Lanka və Şimali Koreyadan olan miqrantlar həll edəcək. Sənaye müəssisələri istehsal həcmini artırmaq niyyətindədirlər, lakin rayonda kadr çatışmazlığı var. "Buna görə də, xüsusən Hindistanla razılaşmalar əldə olunub. Hindistanlı həmkarlarımdan eşitdiyimə görə, ilin sonuna kimi Hindistandan Rusiyaya, o cümlədən Sverdlovsk vilayətinə bir milyon mütəxəssis gələcək", - jurnalist Besedindən sitat gətirir.

Ural Ticarət və Sənaye Palatasının rəhbəri hesab edir ki, sadalanan ölkələrdən olan miqrantlarla işləmək asan olmayacaq. Onun sözlərinə görə, onlar metallurgiya və maşınqayırma müəssisələrində çalışacaqlar.

Almaz Həsənli