Yaponiyanın baş naziri vəzifəsində qalmaq niyyətində olduğunu bildirib

Yaponiyanın baş naziri Şigeru İşiba açıq şəkildə bildirib ki, rəhbərlik etdiyi Liberal Demokrat Partiyasının məğlubiyyətinə baxmayaraq, vəzifəsində qalmaq niyyətindədir, NHK xəbər verir.

O, partiyasının digərləri ilə müqayisədə mandatlara görə ən böyük partiya olaraq qaldığını vurğulayıb. Onun sözlərinə görə, ölkə üçün görülməli olan işləri görmək məsuliyyəti var.

İşiba vəzifəsində qalmağı planlaşdırıb-qalmayacağı ilə bağlı suala səslərin hesablanması zamanı yekun cavab verə bilməyəcəyini, lakin o, “məsuliyyəti daşımalı” olduğuna inandığını deyib.

Nippon Televiziya Şəbəkəsinə müsahibəsində baş nazir əlavə edib ki, avqustun 1-dən qüvvəyə minməsi planlaşdırılan tariflərlə bağlı ABŞ-la razılığa gəlmək üçün hər cür səy göstərmək niyyətindədir.

May ayında İşiba ona çoxlu düyü verildiyini dediyi üçün qalmaqala düşən ölkənin Kənd Təsərrüfatı Nazirliyinin rəhbəri Taku Etonu vəzifəsindən uzaqlaşdırıb.

Qeyd edilir ki, son işdən çıxarılma İşiba hökuməti dövründə ilk belə hal olacaq və parlamentin yuxarı palatasına yayda keçiriləcək seçkilərə mənfi təsir göstərə bilər.

Əziz Mustafa